कांतिलाल कडू यांच्या 'निर्भिड' वर्तमानपत्राच्या वर्धापन दिनानिमित्त १५/०२/२०१४ रोजी रात्री ७ ते १० या वेळेत सुप्रसिध्द गायिका उषा मंगेशकर व ख्यातनाम संगितकार ऋदयनाथ मंगेशकर यांचा सुश्राव्य गीतांचा कार्यक्रम होता . या कार्यक्रमात राधा मंगेशकर , ऋदयनाथ मंगेशकर व उषा मंगेशकर यांच्या आवाजाचा गोडवा होताच पण त्यांच्या गोड आवाजाला सुमधूर संगीत देणार्या संगीतकारांचे कौतुक वाटले. व्हायोलिनचे सूर थेट मनात उतरायचे तर ढोलकीवरची थाप कानांत घुमायची . मंत्रंमुग्ध होणं म्हणजे काय याची प्रचिती देणारा कार्यक्रम होता.
उषा व ऋदयनाथ मंगेशकर या बहिण भावाचं वय विचारात घेता त्या वयातल्या सर्वसामान्य माणसांना धड बोलता येत नाही पण या द्वयींनी प्रत्येक गाण्यातील शब्द नि शब्द श्रोत्यांच्या ऋदयात ठसवला . म्हणूनच मंगेशकर घराण्याला असामान्य प्रतिभेचं दैवी देणं लाभलेलं घराणं म्हणतात .
३ तासाच्या या कार्यक्रमाने सर्व श्रोत्यासह मी त्रुप्त मनाने घरी आलो .यासाठी आयोजकांचे मनपूर्वक आभार !
कोणत्याही टिप्पण्या नाहीत:
टिप्पणी पोस्ट करा